Lufta në Ukrainë nuk mund të përhapet në Bosnjë e Hercegovinë dhe Kroacia është një shembull i një politike të zgjuar energjetike, tha të hënën i dërguari special i SHBA-së për Ballkanin Perëndimor, Gabriel Escobar.
Duke folur në Forumin SHBA-Kroaci në Zagreb, Escobar tha se ai nuk mendon se kriza e Ukrainës mund të përhapet në fqinjtë e Kroacisë, sepse ajo e ka kthyer fokusin e Europës në trajtimin e krizave rreth saj, siç raporton agjencia kroate e lajmeve, Hina.
Lufta në Ukrainë ka çuar gjithashtu që kandidatët për anëtarësim në BE të tregojnë solidaritet me vlerat perëndimore, tha Escobar, duke përmendur faktin se Serbia e dënoi pushtimin rus në Asamblenë e Përgjithshme të OKB-së në fillim të marsit, duke e quajtur këtë “ndryshim sizmik”.
Ai foli për Bosnjën, e cila tha se nuk ka problem teknik por tha se ka probleme me korrupsion.
Escobar tha se shpreson që Bosnja të mbajë zgjedhje të përgjithshme këtë vit.
Sipas tij, çelësi është krijimi i autoriteteve funksionale që do ta luftojnë korrupsionin, do të tërheqin investime dhe do të krijojnë kushte për të rinjtë. Megjithatë, tha ai, BeH është shtet sovran dhe vullneti politik duhet të vijë nga brenda.
“Ne duhet t’i inkurajojmë ata, por është përgjegjësia e tyre të gjejnë zgjidhje”, tha ai duke iu referuar krerëve politikë të Bosnjë.
Moti sot me diell dhe vranësira
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha